Muslim

ታላቅ አለም አቀፋዊ ሰልፍና ተቃውሞ

እንደ አውሮፓውያን አቆጣጠር 24 JAN 2014 በኢትዮጵያ በየክልሉ በሚገኙ መስጊዶች እንዲሁም በተለያዩ አገሮች የሚኖሩ ሙስሊምና ክሪስቲያን ኢትዮጵያውያኖች በአንድነት ሆነው ከፍተኛ ተቃውሞ ያሰሙበት እለት ነበር፣ ተቃውሞው፣ ዱአ (ጸሎት) በማድረግ (ሰደቃ) ምጽዋት በመስጠት፣ ስብሰባ በማካሄድ በተቃውሞ ሰልፍና በመሳሰሉት በተለያዩ መልኮችና ቅርጾች በተለያዩ የአለም ክፍሎች መካሄዱ ተረጋግጧል፣
በኖርወይ ዋና ከተማ በኦስሎ ተመሳሳይ ሰልፍ ተካሂዷል፣ የሰልፉ አላማም በአሁኑ ወቅት በኢትዮጵያ በተለያዩ እስር ቤቶች ውስጥ የሚገኙ የእስልምና ሀይማኖት መሪዎች ጋዜጠኛችና ፖለቲከኟች እንዲፈቱ በሀገሪቱ የእምነት ነጻነት እንዲከበርና መንግስት እጁን ከሀይማኖቶች ላይ እንዲያነሳ ለመጠየቅ፣ ነበር፣

የኦስሎ ሰልፈኛች፣ ሴንትራል ስቴሺን ፊት ለፊት ከነብሩ ሀውልት አጠገብ በ14፣ 00 ሰአት ከተሰባሰቡ በህዋላ ካርል ዮሀን ተብሎ የሚጠራውን መንገድ ይዘው ወደፓርላማው ተጉዘዋል፣ ሰልፈኛቹ ፣ በሀማኖት ሳይከፋፈሉ ሙስሊሙና ክርስቲያኑ በጋራ ሆነው የተለያዩ መፈክሮችን እያሰሙ ሲጓዙ የአካባቢውን ህዝብ ትኩረት እንደሳቡ በግልጽ ይታይ ነበር፣ በርካታ የኢትዮጵያ ባንዲራን የያዙ ፣ እንዲሁም የታሰሩት የሙስሊሙ መፍትሄ አፈላላጊ ኮሚቴ አባላትን እና የእነ እስክንድር ነጋ የእነ አቡበከር አህመድ፣ የእነ ሪኦት አለሙ፣ የእነ ያሲን ኑሩና የሌሎችንም ፎቶ ግራፎችን የያዙ ፖስተሮች ይዘው ለህዝብ ታይተዋል፣

የኖርዌጂያን ፓርላማ ጋር እንደደረስን መፈከር የማሰማቱ ሂደት በእንግሊዝኛ በኖርጂያንና በአማርኛ ቌንቋ ቀጥሎ ነበር፣ በዚሁ ቦታና ወቅት ከሰልፈኛው መካከል ሁለት ኢትዮጵያውያኖች ወደ ፓርላማው ጽህፈት ቤት በመግባት የተዘጋጀውን ደብዳቤ ለፓርላማው ተወኳይ፣ አስረክብዋል፣

የደብዳቤው ዋንኛ ይዘት በኢትዮጵያ እየቀጠለ ያለውን የሰብአዊ መብት ጥሰት ለማስቆም የታሰሩትም እንዲፈቱ የኖርወይ መንግስት በኢትዮጵያ መንግስት ላይ ዲፕሎማሲያዊ ጫና እንዲያደርግ ነው፣
የበረዶው ቁልል ለአይን የሚያስፈራና የቅዝቃዜውም መጠን ከባድ የነበረ ቢሆንም ሰልፎኛቹ በብርቱ ጽናትና ዲሲፕሊን በመቋቋም ፕሮግራሙ ቀጥሎ በታቀደው መሰረት ተካሂዷል፣

በኖርወይ የኢትዮጵያ ሙስሊም ተወካይ፣ በኖርወይ የኢትዮጵያ ኮሚኒቲ ሊቀመንበር፣ እና የስደተኛች ማህበር ጸሀፊ በየተራ እየወጡ ንግግር አድርገዋል፣

የፓርላማው ሀላፊዎችን ለማግኘት እንዲቻል ሰልፉ የተካሄደው በስራ ሰአት ከመሆኑም በላይ በዛሬው ቀን የነበረው ቅዝዜና እየወረደ የነበረው ብናኝ በረዶ የየበኩላቸውን ተጽእኖ ቢያሳድሩም፣ የስራ ፈቃድ ወስደው በቦታው የተገኙ ኢትዮጵያውያኖች እስከ
200 ይደርሱ ነበር፣

ዝርዝሩን በቪድዮ በምስልና በድምጽ
የሰልፉ አስተባባሪ
ከኖርወይ